Skip to content

Mitti Ki Kahani

  • Alok 
Alok Verma Motivational Speaker

Mitti leke toadd liya 
sab dhelo* ko phod liya 
Mitti ko phir chaan liya 
Paani daal ke saan liya 
Chaak chalaya tezi se 
Haath hilaya tezi se 
Mitti ko aakar diya 
Do haantho.N ka pyar diya
Phir Mitti chal di jalne ko 
Pakk ke pakki ban.ne ko 
Kaisi Mitti ki kaya hai 
Yu Jalke jeevan paaya hai 
Ab Mitti kaam ko jayegi 
apne sam.manN ko jayegi 
Mitti ne mann se kaam kiya 
Thoda thehra aaraam kiya 
Phir kismat usse rooth gayi 
Mitti bas gir ke toot gayi 
Usko naa hardam phirna tha 
ek din haantho.N se girna tha 
Ab Mitti ka koi mol nahi 
toote tukdo.N ka tol nahi 
Bas baat yahi batlaani hai 
Ek choti si kahaani hai 
Mitti ko jeevan paana hai 
Phir Mitti mei mil jaana hai

[* Dhelo = Mitti ke jamei hue chote chote tukde]

Leave a Reply

Your email address will not be published. Required fields are marked *